«Ревизор»... Премьера!

«Неге күлесіңдер? Өз-өздеріңе күлесіңдер!». Күлкі өз бойымыздағы кемшіліктерді байқамай-ақ әшкерелейтін ең әділ айна. Кейде көргенімізге емес, көріністегі өз көлеңкемізге күлеміз. Қала шенеуніктері құпия ревизор келе жатыр деген хабарды ести сала түтіп жегендей күйге түседі. Қорқыныш, күйгелектік, өз айыбын жасыруға тырысқан абыржу бәрі оларды кездейсоқ қонақты нағыз ревизор деп қабылдауға итермелейді. Ал ештеңеден бейхабар Хлестаков бұл жағдайды өз мүддесіне пайдаланып, жалған бедел мен жалтақ мінездің шынайы табиғатын әшкерелейді. Қойылым қоғамды іштен улайтын парақорлық, көзбояушылық пен ақымақтықты ащы әжуамен көрсетеді. Уақыт өзгерсе де, адам бойындағы әлсіздіктердің өзгермейтінін еске салады.